Ankara Ukrayna münaqişəsinin sülh yolu ilə həlli istiqamətində səylərini davam etdirəcək və Qara dənizdə naviqasiyanı tənzimləyən Montrö Konvensiyasına ciddi əməl edəcək. 

Adalet.az xəbər verir ki, bu barədə Türkiyənin xarici işlər naziri Hakan Fidan məlumat verib.

O, parlamentdə rəhbərlik etdiyi nazirliyin büdcəsini təqdim edərkən deyib: "Yaxın gələcək üçün biz Ukraynada sülhün təmin olunması üçün səmərəli səylərimizi və vasitəçilik rolumuzu davam etdirəcəyik. Eyni zamanda, Qara dənizdə təhlükəsizlik arxitekturasının təməl daşı olan Montrö Konvensiyasına qətiyyətlə əməl edəcəyik".