Respublikamızın avtomobil yollarında hər gün minlərlə sürücü sükan arxasında əyləşib harasa, gedir.

Aydındır ki, bütün hərəkət iştirakçıları  və eləcə də, sürücülər mənzil başına sağ - salamat çatmaq istəyirlər. Bunun üçün öncə hər bir hərəkət iştirakçısı  yol hərəkəti qaydalarına əməl etməlidir. Hamıya o da , məlumdur ki, respublika əhəmiyyətli yollarda tez - tez  duman olur.Dumansa istər-istəməz nəqliyyat vasitələrinin hərəkətini çətinləşdirir və bu, qəza şəraiti yaradır. Təbii ki, belə qatı duman olanda yaxın və uzaq məsafəni görmək çox çətinləşir.

Bəs bu cür dumanlı, özü də, qatı dumanlı havada sürücülər nə etməlidir? Əlbəttə, bu sualın elə birmənalı  da cavabı var. Birincisi , belə çətin hava şəraitində təcrübəsi olmayan sürücülər sükan arxasında əyləşməməlidir! Dumanlı havada  ilk növbədə sürücülər ara məsafəsi saxlamalı, qabaq və arxa işıqları yandırmalı, sürət həddini  aşağı salmalı, bir sözlə, daha diqqətli olmalıdır.

Bununla yanaşı, mobel telefonla danışmamalı, digər nəqliyyat vasitələrinin də hərəkətini diqqətdə saxlamalıdır.Biz dəfələrlə qatı dumanlı havada respublikamızın  avtomobil yollarında zəncirvari qəzaların baş verməsinin şahidi olmuşuq. Bu qəzalar ağır olanda yoda tıxac yaranır, digər  avtomobil sürücülərin həyatı üçün təhlükə yaranır. Ona görə də hər bir sürücü avtomobil yollarında hava şəraitin nəzərə almalı,ona uyğun sürət həddi seçməli və yol polisinin tövsiyələrinə əməl etməlidir!

Emil Faiqoğlu