adalet.az header logo
  • Bakı 14°C
  • USD 1.7
08 Yanvar 2023 21:55
951
MƏMLƏKƏT

Şərurda uzun illərdən sonra bir ilk - VİDEO

Azərbaycan Prezidentinin Naxçıvandakı səlahiyyətli nümayəndəsi Fuad Nəcəfli şənbə günü Şərur Rayon İcra Hakimiyyətinin binasında vətəndaşları qəbul edib.

Adalet.az "Turan"a istinadən xəbər verir ki, Nəcəfli əvvəlcə şəhid ailələrinin üzvləri ilə görüşüb, sonra sosial və məişət problemlərinin həlli üçün qəbula gələn digər vətəndaşları qəbul edib.

Qəbula gələnlərdən biri olan Allahverdi Həsənov bildirib ki, yerli icra hakimiyyəti səlahiyyətli nümayəndənin səfərini əhalidən gizlədib və təlimatlandırılmış insanlarla görüş təşkil etməyə cəhd edib.

Həsənov onu da qeyd edib ki, əvvəllər yüksək vəzifəli şəxslərlə belə görüşlər keçirilməyib, başqa adamlar da onun kimi qorxusundan yuxarı orqanlara şikayət və müraciətlər etmirdilər.

Qeyd olunur ki, Nəcəfli ötən il dekabrın 22-də təyinat alandan sonra Naxçıvanda rayon rəhbərləri həftədə bir dəfə deyil, hər gün vətəndaşların qəbulunu təşkil etməyə başlayıb.