"108" Çağrı Mərkəzinə daxil olan müraciətlərin ilkin mərhələdə 15 faizi səsli botlar vasitəsilə cavablandırılacaq.

Adalet.az xəbər ki, bunu Azərbaycan Prezidenti yanında Vətəndaşlara Xidmət və Sosial innovasiyalar üzrə Dövlət Agentliyi sədrin müşaviri Mehdi Cavadov "Dövlət idarəetməsində data əsaslı qərar qəbul etmə" mövzusunda panel müzakirədə deyib.

Onun sözlərinə görə, agentliyin çağrı mərkəzinə gündəlik 5 min müraciət daxil olur:

"Süni intellektin tətbiqi vasitəsilə ilkin mərhələdə həmin zənglərin 15 faizinin, sonrakı mərhələdə isə 30 faizinin cavablandırılması planlaşdırılır".

M.Cavadov bu prosesdə süni intellekt tətbiqinin hansı müsbət nəticələrə gətirib çıxaracağına aydınlıq gətirib:

"İlk olaraq səsli botlar vasitəsilə 7/24 xidmət prosesi asanlaşacaq. Gözləmə müddəti və itirilmiş zəng sayı sıfıra endiriləcək. Operatorların səmərəliliyi də artırılacaq. Çağrı mərkəzinin keyfiyyət əmsalı da rahat izləniləcək".