" "Ulduz"lu görüşlər"in növbəti qonağı yazıçı Varis oldu - FOTOLAR

Ulduz" jurnalının təşkilatçılığı ilə Azərbaycan Yazıçılar Birliyinin Natəvan klubunda yazıçı Varislə görüş keçirilib.
Azərbaycan Univerisiteti tələbələrinin iştirak etdiyi tədbiri "Ulduz" jurnalının baş redaktoru Qulu Ağsəs açaraq, Varisin yaradıcılığı haqda geniş məlumat verib. Jurnalın şöbə redaktoru Taleh Mansur gənc filoloqları görüşdə aktiv iştirak etməyə çağırıb. Gənclərlə görüşə məmnunluqla qatıldığını bildirən yazıçı Varis, öz təcümeyi-halını danışıb, jurnalist, naşir və ədib kimi keçdiyi yola nəzər salıb.
Varis tələbələrə onu da xatırladıb ki, "Ulduz" jurnalı və "Ədəbiyyat və incəsənət" portalı dost mətbu orqanlardır, "Biri ikisində" adlı birgə layihələri illərdi uğurla davam edir. Öz yazı texnikası və ədəbi düşüncülərini bölüşən Varis, gənc filoloqların suallarını cavablandırıb, onlara imzalı kitablarını hədiyyə edib. Xatırladaq ki, "Ulduz"lu görüşlər"in növbəti qonağı yazıçı Əyyub Qiyas olacaq.