Sosial şəbəkələrin aktiv izləyicisi olduğum üçün demək olar ki, bütün maraqlı səhifələri izləyirəm. Bura yaxın qonşularımızın - qarı düşmənlərimizin də səhifələri daxildir.

Bu gün sosial şəbəkələrin erməni seqmentində paylaşılan idmanla bağlı bir xəbər diqqətimi cəlb etdi.
Deməli, həm rəsmi erməni media orqanları, həm də istifadəçilər hazırda Yunanıstanın Rodos adasında qadın şahmatçılar arasında şəxsi Avropa çempionatında qalib gəlmiş həmyerlilərinin fotosunu paylaşıblar.  Ermənistanın qadınlar komandasının lideri, 2021-ci il Avropa Qadınlar Çempionu elan edilmiş qrosmeyster Elina Danielyanın 4 turdan sonra 3,5 xalı olduğunu və 2-8-ci yerləri bölüşdüyünü qeyd ediblər:” Beynəlxalq usta Lilit Mkrtçyan və Mariya Gevorqyan da liderlər sırasındadırlar.

Dünən qadınlar arasında şahmat üzrə beşqat Ermənistan çempionu, Ermənistanın qadınlardan ibarət şahmat komandasının üzvü Mariya Gevorqyan, qadınlar arasında hazırkı Avropa çempionu, azərbaycanlı beynəlxalq usta Ülviyyə Fətəliyevanı məğlub edib.
Növbəti mərhələ aprelin 4-də Ermənistan vaxtı ilə saat 16:00-da başlayacaq”.
Xatırladaq ki, qitə birinciliyində Azərbaycanı 8 şahmatçı təmsil edirdi. Avropa çempionatında yarışın son qalibi Ülviyyə Fətəliyeva, Gövhər Beydullayeva, Gülnar Məmmədova, Ayan Allahverdiyeva, Türkan Məmmədyarova, Səbinə İbrahimova, Nərmin Abdinova və Lalə Hüseynova mübarizə aparırdı.
Ümumilikdə 137 şahmatçının iştirak etdiyi Avropa çempionatının reytinq favoriti Nino Batsiaşvili (Gürcüstan) olacağı deyilirdi. Turnirin mükafat fondu 60 min avroya bərabərdi. Çempion olacaq şahmatçı 10 min avro pul mükafatı əldə edəcək.
 İsveçrə sistemi üzrə keçiriləcək yarış 11 turdan ibarət olacaq. Avropa çempionatında ilk 10 yeri tutacaq şahmatçılar Dünya Kubokuna vəsiqə qazanacaq.
Onu da vurğulayaq ki, ötən il Azərbaycan şahmatçısı Ülviyyə Fətəliyeva Avropa çempionu olub. Gəncəli qrosmeyster, 27 yaşlı zəka sahibimiz qadın şahmatçılar arasında fərdi Avropa çempionatının qalibi olub.
Təmsilçimiz Yunanıstanın Rodos adasında keçirilən yarışın çempionu adını qazanıb. 10 oyunda 8,5 xal toplayan Ülviyyə Avropa çempionu titulunu qazanan ilk Azərbaycan şahmatçısı kimi tarixə düşüb. O, son turda Nino Batsiaşvili (Gürcüstan) ilə heç-heçə etməklə buna nail olub. Ülviyyə iki il əvvəl qitə çempionatında 3-cü yeri tutub.

P.S. Əziz çempionumuz, qətiyyən uduzduğun üçün kədərlənmə! Bu bir idman oyunudur! İdmançı istənilən oyunda uda da, bilər uduza da bilər! Biz yenə də səninlə fəxr edirik! Əsas olan odur ki, xalqımız da, dövlətimiz də, ordumuz da düşmən üzərində real qələbəni təmin edib!Uğurlar diləyirəm!

 Əntiqə Rəşid