adalet.az header logo
  • Bakı 12°C
  • USD 1.7
03 Iyul 2021 12:28
78545
MARAQLI
A- A+

Dünyanın ən qorxulu kitabları:Onları oxumayın!

Oxumaq, oxumaq və yenə də oxumaq. Məncə, bu sözləri hər kəs həyatında dəfələrlə eşidib. Axı oxumaq elmə, biliyə sahib olmaq deməkdir. Kitab ən yaxşı dostdur. Kitablarda axtardığımız sualların cavabların tapırıq, kitablar təfəkkürümüzü qidalandırır, kitablar fərdi şəxs kimi yetişdirir, kitablar ən yaxşı intellektual istirahətdir. Amma elə kitablar var ki, onları oxumaq  səhhətimizə zərbə vura,  psixologiyamızı dəyişmək gücündə ola bilər
 

Adalet.az dünyanın ən qorxulu kitablarını təqdim edir:
 
 
Stiven Kinq - "Üzləşmə"
 
60 kitab və yüz yetmişə yaxın həcmi kiçik əsərlərin müəllifi. Ən məşhuru "Üzləşmə" hesab olunur. Əsər qorxunc virusun bütün planetə yayılmasından bəhs edir.
 
Meri Şelli – "Frankenşteyn"
 
Romanı 1812-ci ildə yazıb. Bir adamı canlandırmaq üçün ölülərin hissələrini toplayan Viktor Frankenşteyndən bəhs edən əsər dünyanın ən qorxulu kitabı hesab olunur. İnsanlar Frankenşteyni görmək istəmir, ondan zəhlələri gedir. Ağlının itdiyini dərk edən Frankenşteyn yaşadığı yeri tərk edir və öz idrakının geri qayıtması üçün çaba göstərir.
 
Q.Lavkraft - "Çılğınlıq silsiləsi"
 
Ekspedisiya qrupu qədim dövrün dəhşətli mənzərəsi ilə toqquşur, Avstraliyaya yollanırlar. Orda onlar tərk edilmiş buzla örtülü şəhərlə qarşılaşırlar. Lavkraft xəyali deyil, sanki real, olmuş bir hadisəni yazırmış kimi nəql edir.
 
Şirli Cekson - "Təpədəki evin kabusu"
 
Kitab 1959-cu ildə yazılıb. Yazıçı təpələrlə əhatələnmiş evi təsvir edir. Ordan heç nə görünmür, qaranlıq duman kimidir. Heç kim gecə vaxtı orda qala bilməz. Daha sonra bura adamlar gəlir, onlar naməlum bir canlının izlərini tapırlar. Stiven Kinq bu romanı keçən əsrin ən vacib qorxulu əsəri hesab edir.
 
Edqar Po – "Qara pişik"
 
Bir neçə qorxulu hekayə və romanların müəllifi 1843-cü ildə "Qara pişik" əsərini bitirir. Bu əsərdə yazıçı öz ağrılarından qorxan alkoqolikdən bəhs edir. Bu alkoqolik öz pişiyini öldürür. Yanmış evin divarında onun pişiyinin silueti görünür.
 
Adolf Hitler – "Mənim mübarizəm"
 
Dünyanın ən qorxulu kitablarından biridir. Milyonlarla insanın qətlinə yol açan bu kitab bəzi ölkələrdə qadağan olunub. Öz həyatından və eləcə də nasist ideyasından bəhs edən "Mənim mübarizəm" kitabı qorxu saçır.
 
Yakob Şprenqer və Henrix Kramer - "Cadugərin çəkici"
 
Dünyanın ən qorxulu kitablarından hesab olunan "Şeytanların çəkici"ni danimarkalı inkvizitorlar – Yakop Şprenqer və Henrix Kramer yazıblar. İnkvizisiyanın fəaliyyəti minlərlə insanın ölümünə səbəb olub. Orta əsrlər Avropası üçün bu kitab sehrbazları və cadugərləri məhv etməyə yarayıb.
 
 Əntiqə Rəşid