adalet.az header logo
  • Bakı 14°C
  • USD 1.7
01 Sentyabr 2020 20:35
42175
ŞOU-BİZNES
A- A+

Elza özünü dahi adlandırdı: “Bu gün bunu qəbul etmirsiniz”

“Space” telekanalında yayımlanan “Gəl, dərdini danış” proqramında Əməkdar artist Elza Seyidcahanın Xalq artisti Rafael Dadaşovun dəfn mərasiminə tac taxıb getməsi müzakirəyə qoyulub.

Axşam.az xəbər verir ki, müğənni çəkilişdən birbaşa ora getdiyini söyləyib. Proqramda yer alanlar Seyidcahanı tənqid etməyə başlayıblar.

“Tacımın daşları qara idi. Dəfndə olmağı özümə borc bildim. Çəkilişdə idim, gecikirdim. Ordan da çəkilişə yollanacaqdım. Fikirləşdim ki, tacımın qaşları qaradı, ayıb deyil. İngiltərə krallığında bütün mərasimlərdə hamı başına şlyapa, tac qoyur. Həci xanımlar yasa gedəndə qaşlı, zərli hicab bağlayır. Gedib tacla Rafael Dadaşovun cənazəsinin başında oturdum. Özümə dedim ki, onun nəsli tarixə düşüb. Onlar taca layiq nəsildir. Bu, mənim kübarlığım idi”, - sözləri ilə müğənni özünə haqq qazandırmağa çalışıb.

E.Seyidcahan fikirlərinə etiraz edənlərə sərt cavab verib:

“Bu gün bunu qəbul etmirsiniz, amma illər keçəndə görəcəksiniz. Bundan sonra bütün yas mərasimlərinə tacla gedəcəm. Dahilər hər zaman qınanılır. Siz mənim tacla yasa getməyimi tərifləməlisiniz, alqışlamalısınız”.