Zaur Kərimov: Azad olur yağılardan Qarabağım qarış-qarış!
Azad olur yağılardan Qarabağım qarış-qarış!
Ey Azərbaycan əsgəri, sənə əhsən, sənə alqış!
Fəth etdiyin hər təpədə dalğalandır bayrağımı!
Ayağını yerə bərk vur qürurlandır torpağımı!
Necə sənə qürur verir qazandığın hər zəfərin
O zəfərdən sənin qədər fərəhlənir Xudafərin
O yerlərdə qələbələr qazanıbdır sənin baban
Sən də qalib çıxacaqsan bu savaşdan, bu davadan!
Hər gün yeni zəfərlərdən müjdə verir Baş Komandan,
Azad olur torpağımız, bütöv olur Azərbaycan.
Torpağına göz dikənə məzar elə bu torpağı
Bir də dönüb baxammasın bu torpağa namərd yağı
Qisasın al əsirlikdə təhqir olmuş qız, gəlinin
Qisasın al Xocalıda süngülənmiş körpələrin
Aman vermə düşmənə sən, şimşək kimi çax gözündə
Yorulanda Turş sudan iç, yallı get Cıdır düzündə
Tez zəfər çal, övladına tez qovuşsun qədim Şuşam
Məzarında rahat yatsın Mübarizim, Polad paşam
Qoy səslənsin qədim Şuşa məscidindən azan səsi
Musiqinin beşiyindən Qarabağın şikəstəsi.