Karate millimizin üzvü İrina Zaretskaya Xorvatiyanın paytaxtı Zaqrebdə keçirilən “Top Ten” (İlk 10-luq) adlı beynəlxalq turnirin qalibi olub.

İdmançılar hər ilin sonunda bu yarışda xüsusi dəvətlə iştirak edirlər. Yüksək nəticəsi olan seçilmiş karateçilər bir dövrə görüşərək, aralarında ən güclünü təyin edirlər.

Bir növ şou xüsusiyyəti də daşıyan “Top Ten” turnirinin qalibinə kubokdan başqa, 2 min dollar pul mükafatı da təqdim olunur.