ƏSLİNDƏ «AZAL» QİYMƏTLƏRİ BİR AZ DA QALDIRMALIDIR
«AZAL»a şər atırdılar ki, guya dünyanın ən bahalı aviabiletini hörmətli Cahangir Əsgərov satır. Heç demə belə deyilmiş. Cahangir Əsgərov da, «AZAL» da ABŞ-ın aviaşirkətlərinin yanında həm toya, həm də nişana getməliymiş.
ABŞ-ın aviaşirkətləri Kabildən qaçmaq istəyən hər bir əfqana bileti 6500 dollara verir. Özü də nə yemək verir təyyarədə, nə də kreslo.
Kənd camaatı bilir (bunu «Mimino»da da görmüsünüz), kəndə kino gələndə iki kubikin üstünə taxta qoyulurdu və camaat orda otururdu. İndi ABŞ-ın təyyarələri də əfqanları belə daşıyır, bunu videolarda görmüsünüz.
«AZAL» heç olmasa kreslo verir, yemək verir, su istəyəndə su verir, çay istəyəndə çay verir.
«AZAL»ın yerində olsam , biletləri bir az da qaldıraram. Təyyarədə uçmaq istəmirsən ya piyada get, ya da maşının varsa maşınla.