Abxaziyada yanvarın 6-da fərdi evdə baş verən yanğın nəticəsində 5 uşağın ölümü ilə bağlı matəm elan edilib,

Adalet.az xəbər verir ki, bunu ölkə prezidentinin mətbuat xidməti yayıb. Məlumatda deyilir ki, Abxaziyanın Qali rayonunun Papanirxua kəndində baş vermiş yanğın nəticəsində faciəyə səbəb olub:"Səhər sobanı yandırmaq istəyən yaşlı qadın benzinlə dizeli səhv salıb və alışma baş verib. Ev taxtadan olub və tez bir zamanda alışıb. Həmin vaxt evdə 5 uşaq yatırmış, onları xilas etmək mümkün olmayıb”, - məlumatda qeyd olunub.

 Qeyd edək ki, prezident səlahiyyətlərini icra edən Badra Gyunbanın sərəncamına əsasən,5 uşağın öldüyü faciə ilə əlaqədar  yanvarın 6-sı ölkədə matəm günü elan edildiyi üçün bütün dövlət qurumlarında dövlət bayraqları endiriləcək, mədəniyyət müəssisələrində, televiziya və radioda əyləncəli tədbirlər və verilişlər ləğv ediləcək.

 Əntiqə Rəşid