Bildiyimiz kimi, bu gün “Bir iyun  uşaqların beynəlxalq müdafiəsi günü”dür. Əlbəttə,  fidanlar bizim gələcəyimizdir. Ancaq biz o gələcəyimizlə necə davranmalıyıq. Onlara necə xidmət etməliyik. Bu məsələ artıq fərdiləşmiş mövzudur. Yəni hər kəs öz övladını  necə görmək istəyirsə, elə yetişdirməyə çalışır. Bütün bu məsələlərin fövqündə isə bir məqam dayanır-  uşaqları inandırmaq. Texnologiyanın bu qədər inkişaf etdiyi bir vaxtda onları inandırmaq nə dərəcədə asandır. Doğrudanmı uşaqlar əvvəlki qədər nağıllara inanır?

Ömrünü uşaqları inandırmağa və  güldürməyə  həsr edən Azərbaycan Dövlət Kukla Teatrının aktyoru  Rəhim Rəhimov  müasir dövrdə uşaqları inandırmaq çox çətin olduğunu söyləyib:

“Ümumiyyətlə, uşaqları indiki zamanda nağıllara inandırmaq çox çətindir.  Biz çalışırıq ki, tamaşaları  müasirləşdirək ki,  teatr uşaqlara maraqlı gəlsin.  İndi uşaqlar daha  çox  “youtube”  üzərindən yayımlanan cizgi filmlərinə və həmin presonajlara daha çox maraq göstərirlər. Biz də tamaşalarda  o  presonajlardan istifadə edirik ki,  uşaqlar teatra  gəlib, tamaşaya baxanda onlar  üçün  tamaşa maraqlı olsun. Bütün çabalarımız onların zövqünü oxşamaq üçündür.  Çalışırıq ki, uşaqların tamaşaya diqqətini  müasir mövzularla çəkək.  Uşaqlar daha çox öz dövrlərinin personajlarını sevirlər. Onu da qeyd edim ki, yeni personajları teatra gətirməklə qətiyyən uşaqların zövqünü  korlamırıq.  Əksinə, o presonajlar vasitəsiylə uşaqları xeyirxahlığa , mərhəmətli olmağa səsləyirik. Bütün tamaşalarımızın əsas “mesaj”ı odur ki, dünyada yaxşılıq qalib gəlir. Onları inandırmaq nə qədər çətin olsa da müxtəlif yollarla buna cəhd edirik.  Onları özümüzə inandırmağa çalışırıq ki, uşaqlar tamaşalara gəlsinlər. Uşaqlar bizim gələcəyimizdir. Biz tamaşalarımızla ancaq onlara  yaxşı mesajlar ötürürük”.

Əntiqə Kərimzadə