Son günlər mətbuatda və sosial şəbəkələrdə, deputat Erkin Qədirlinin, Azərbaycanda seçkilərin demokratik keçirilmədiyini və hətta dolayısıyla özünün də saxta yolla deputat seçilməsini etiraf etməsi, istər deputat həmkarları tərəfindən, istərsə də geniş auditoriya tərəfindən birmənalı qarşılanmayıb.

Bizi maraqlandıran odur ki, Erkin Qədirli eyni zamanda Milli Məclisin deputatı kimi ölkəmizi Avropa Parlamentində də təmsil edir. Bildiyimiz kimi hazırda Avropada da demokratiya, insan haqları, seçki saxtakarlığına və s. ciddi nəzarət var. Hətta bu yaxınlarda bir italiyalı parlamentarini Qətərdə keçirilən futbol üzrə dünya çempionatında törətdiyi hansısa saxtakarlıq əməlinə görə, Avropa parlamentindən uzaqlaşdırmışdılar.

İndi görəsən Avroparlament, özünün etiraf etdiyi kimi saxta yolla, qeyri-demokratik seçkilər vasitəsilə deputat seçildiyini bəyan edən Erkin Qədirlini də Avropa Parlamentindən uzaqlaşdıracaqlarmı?... Yəqin demokratiyanın qıcqırıb fantan vurduğu Avropa parlamentində bu məsələni diqqətdən kənar qoymazlar.

Rüstəm Hacıyev