"Azərbaycan-Ermənistan sülh sazişi bütün aktorların marağına uyğundur" - Türkiyə TŞ

Azərbaycan ilə Ermənistan arasındakı uzunmüddətli sülh regiondakı bütün aktorların marağına uyğundur.
Adalet.az xəbər verir ki, bu fikir Prezident Rəcəb Tayyib Ərdoğanın sədrliyi ilə Ankarada keçirilmiş Türkiyə Milli Təhlükəsizlik Şurasının iclasının yekunlarına dair bəyanatda öz əksini tapıb.
Sənəddə Bakı-İrəvan danışıqlarında müsbət irəliləyişin sülh sazişi ilə nəticələnəcəyinə dair gözləntilər və arzular ifadə edilib.
İclas zamanı Ukraynadakı son vəziyyətin də müzakirə olunduğu qeyd olunur.
Türkiyə Milli Təhlükəsizlik Şurası bəyan edib ki, Ukraynada müharibənin genişlənməsi tendensiyasının qarşısı alınmalıdır, atəşkəs və ədalətli sülhə nail olunmalıdır.
Bəyanatda Suriyada baş verən son hadisələrə də diqqət çəkilib.
Bildirilir ki, Ankara hər zaman və qətiyyətlə Suriyanın ərazi bütövlüyü və birliyinin qorunub saxlanmasına dəstək verib. “Son hadisələr Bəşər Əsəd rejiminin öz xalqı və müxalifətlə danışıqlar apararaq ümumi fikrə gəlməsinin vacibliyini bir daha ortaya qoyub. Suriyada mülki əhalinin təhlükəsizliyi təmin olunmalıdır”, - deyə qeyd edilib.
Türkiyənin milli təhlükəsizliyinə və türk xalqına qarşı hər hansı təhdidin dərhal aradan qaldırılacağı bəyanatda vurğulanıb.
Digər Xəbərlər

Ceyhun Bayramov estoniyalı həmkarı ilə görüşüb - YENİLƏNİB

ATƏT sədrinin Azərbaycan vətəndaş cəmiyyəti ilə onlayn formatda görüşü olub

Marqus Tsahkna Bakıda Şəhidlər xiyabanını ziyarət edib - YENİLƏNİB

İlham Əliyev Yaqub Eyyubova “İstiqlal” ordenini təqdim etdi - FOTOLAR

İlham Əliyev Yaponiyanın yeni Baş nazirini təbrik etdi

Azərbaycan-Qazaxıstan münasibətlərində yüksək səviyyəli etimad mühiti mövcuddur

Nazir: Azərbaycan Vaşinqton razılaşmasının müsbət nəticələrini görməkdədir
