Amerikanlı tanınmış jurnalist Taker Karlson, Rusiyanın xarici işlər naziri Sergey Lavtovdan müsahibə götürmək üçün Moskvaya gəlib. Bu barədə jurnalist Telegram-kanalında məlumat verib.

 Karlsonun sözlərinə görə, artıq 25 ildir Rusiya diplomatiyasına rəhbərlik edən təcrübəli diplomatla müsahibə yaxın günlərdə dərc ediləcək.

 Müsahibə zamanı müzakirə olunan məsələlərdən biri də, Rusiya və ABŞ arasında baş verə biləcək nüvə apokalipsisi ilə bağlı olub. Amerikalı jurnalistin sözlərinə görə, hazırki beynəlxalq siyasət, Karib böhranı səviyyəsini üstələməkdədir.

 "Biz Rusiya ilə,  ABŞ vətəndaşlarının səs vermədiyi müharibə ərəfəsindəyik"- deyə Taker Karlson həyəcan təbili çalır.

 Amerikalı jurnalist vəziyyətin bu həddə çatmasında Co Bayden başda olmaqla, hazırki ABŞ hakimiyyətinin apardlğı siyasəti günahlandırır.   Ağ Ev administrasiyasının Ukraynaya Rusiyanın dərinliklərinə raket zərbələri endirilməsinə icazə verməsini tənqid edib. "Amerikan əsgərləri Rusiyaya raket zərbələri endirməklə xeyli sayda rus əsgərini öldürüblər. Bu isə Rusiya, ABŞ-da daxil olmaqla bütün dünyanı məhv etməyə səbəb olan nüvə müharibəsinin başlamasına gətirib çıxara  bilər"- deyə Karlson bildirir.

 Jurnalistin sözlərinə görə, Vaşinqtonda vəziyətin tonunu aşağı salmaq üçün kimsə qalmayıb. Entoni Blinken artıq iki ildir Moskva ilə bütün əlaqələrini kəsib. İki ildən çoxdur Rusiya ilə  əlaqə və dialoq yoxdur.

 Karlson bildirib ki, daha əvvəl Rusiya prezidenti Vladimir Putinlə apardığı müsahibədən  sonra, ABŞ-ın Ukraynadakı səfiri prezident Zelenskinin administrasiyasına  bizimlə müsahibə aparmasını  qadağan edib...

  Yeni seçilmiş prezident Donald Trampın oğlu Taker Karlsonun Lavrovla müsahibəsini alqışlayaraq qeyd edib ki, jurnalist münaqişənin həlli istiqamətində hazırki Bayden administrasiyasından daha çox işlər görüb. 

  Rüstəm Hacıyev