“Vətənimizin bizim üçün əziz, müqəddəs olan hər bir qarış torpağında Kələbəcərin xüsusi yeri  vardır. Kələbəcər deyəndə əsrarəngiz təbiəti, şəfalı suları, can dərmanı nemətləri, mərd insanları, qəhrəman oğulları göz önünə gəlir. Rayonun 2023-cü il noyabrın 25-də bir güllə atılmadan azad edilməsi  cənab Prezidentimiz İlham Əliyev diplomatiyasının böyük uğurudur”. 

Adalet.az xəbər verir ki, bunu Milli Məclisin sədr müavini, millət vəkili Musa Qasımlı deyib. 

O, bildirib ki, Kəlbəcər döyüşlə düşmən tapdağından xilas edilsəydi nə qədər şəhid verərdik: 

“Allah bütün şəhidlərimizə rəhmət eləsin! 1993-cü ilin aprelində Kəlbəcər işğal edilərkən sakinlər rayonu  ağır vəziyyətdə tərk etmişdilərsə, hazırda rayon dövlət büdcəmizin hesabına yenidən tikilir, sakinlər  planlı halda dədə-baba torpaqlarında müasir binalarda mənzillərə yerləşdirilirlər. Bir neçə il sonra Kəlbəcər dünyanın məşhur turizm, sanatoriya-kurort mərkəzlərindən birinə çevriləcəkdir. Hər bir məsələyə əsasən müqayisədə düzgün qiymət vermək olar. Amma bütün müqayisələr də bəzən hər şeyi tam göstərə bilmir. Keçilən yolu doğru başa düşməkdən, düzgün nəticələr çıxarmaqdan və gələcəyimizə işıq tutmaqdan ötrü özümüzə bir neçə sual verməliyik.  Kəlbəcər necə və hansı şəraitdə işğal edilmişdi, necə və hansı şəraitdə düşməndən azad edildi? Millətimiz kimin, kimlərin fəaliyyəti və nəyin nəticəsində fəlakətli vəziyyətə, qaranlığa düşmüşdü, kimin fəaliyyəti və nəyin hesabına  məqsədlərinə çatdı, yolu işıqlandı? Millətimizi arzularına çatdıranlar, yolunu işıqlı edənlər daim onun başı üstündə olsunlar!  Kəlbəcər şəhər günümüz mübarək olsun! P.S. Kəlbəcərın işğalını və azad edildikdən sonrakı şəraiti əks etdirən bir neçə fotoşəkil yaxın tariximizdən düzgün nəticə çıxarmaqdan və ibrət almaqdan ötrü faydalıdır. Xüsusən gənc nəsil üçün”. 

Vasif ƏLİHÜSEYN