Bu gün dünyada ekologiyanı korlayan bir  çox səbəblər var.Təbii ki, havanı, suyu , torpağı  yad və zərərli vasitələrdən qorumaq üçün böyük layihələr həyata keçirilir. Onlardan biri də, torpağa  atılan polietilen paketlərdir.

Artıq bir neçə ildir ki,bu məsələni həll etmək üçün ölkəmizdə  bir çox layihələr gerçəkləşdirilir.Bu məqsədlə  təbliğat , təşviqat və maarifləndirmə işləri aparılır. Hətta belə bir deviz var:" Polietilen paketlərə " yox!" deyək.Düzdür, bu məqsədlə  əksər market və mağazalarda  polietilen paketlərin satışı dayandırıldı.

Mütəxəssislərin dediyinə görə, bu paketlər torpağa atılandan sonra 400- 1000 il çürümür bə torpağı ekoloji cəhətdən çirkləndirir.Amma aparılan maarifləndirmə işlərinə baxmayaraq, yeni market və mağazalarda polietilen paketlərin satışı təşkil edilir, onu istifadə etdikdən sonra hara gəldi atırlar.Bu paketlər ən azından istifadə edildikdən sonra, zibil  qutularına atılmalıdır.

Təəssüf ki, onu zibil qutusundan çox  yolun ortasına, parka, xiyabana, ağacların arasına, torpağın  üstünə atırlar. Bir neçə saat bundan əvvəl " Ballı" marketin yanından keçirdim , yerə çoxlu polietilen  paketlərin atıldığını gördüm və bir daha  yəqin etdim ki, insanlar belə hərəkətləri ilə torpağı, ekologiyanı çirkləndirməkdə davam edir! Təəssüf, min təəssüf!

Emil Faiqoğlu