Yaz gəlir ağaclar gül-çiçək açır,

Hər çiçək burada bir ətir saçır,

Böcəklər ağacdan-ağaca qaçır,

Elə bil cənnətdi bizim həyətdə.

******

Bu dəmdə göylərdən gur yağış axır,

Şimşək də zövqlə göylərdə çaxır,

Göy də məhəbbətlə yerlərə baxır,

Elə bil cənnətdi bizim həyətdə.

******

İnsanın bu yerdə ömrü çoxalır,

Bax,bu gözəllikdən insan zövq alır,

Hər kəs mənzərədən çox məmnun qalır,

Elə bil cənnətdi bizim həyətdə.

******

Bu yurdun həm dağı,aranı gözəl,

Bu yurdun istisi,boranı gözəl,

Bu yurdun hər yeri,hər yanı gözəl,

Elə bil cənnətdi bizim həyətdə.

******

Gözəllik nifrəti,kini öldürür,

Gözəllik insanın qəlbin güldürür,

Bütün yamanlığı qəlbdə söndürür,

Elə bil cənnətdi bizim həyətdə.

******

Qəm-qüssə sanki uzağa qaçır,

İnsanın gözləri gur işıq saçır,

Xoşluqlar insana qol-qanad açır,

Elə bil cənnətdi bizim həyətdə,

******

Yazıb-yaratmağı gəlir insanın,

Başına xoş niyyət dolur insanın,

Xəyalı üzünə gülür insanın,

Elə bil cənnətdi bizim həyətdə.

******

Şeirin müəllifi:Dünya Qarabağlı-Azərbaycan Texniki Universitetinin Beynəlxalq Biznesin İdarə edilməsi ixtisasının magistratura tələbəsi.