Heç vaxt ümüdünü üzmə həyatdan,

Yaradan qorusun,səni bu oddan.

Çıxartmasın səni,heç vaxtı yaddan.

Allahım dərdini bilsin istərəm,

Həyatın üzünə gülsün istərəm.

******

Eşitdim sözünü,ağladı gözüm.

Qırıldı taqətim,tutuldu üzüm.

İstədim,səhrada dəli tək gəzim.

Allahım dərdini bilsin istərəm,

Həyatın üzünə gülsün istərəm.

******

Dərdinin dərmanın yaradan versin.

Əlini uzadıb dərdini dərsin.

Dərdi səndən alıb,çöllərə sərsin.

Allahım dərdini bilsin istərəm,

Həyatın üzünə gülsün istərəm.

******

Hər an yalvarıram,ömür yazana,

Yaradan qıymasın,belə insana.

Qıymasın,ürəyi yana-usana.

Allahım dərdini bilsin istərəm,

Həyatın üzünə gülsün istərəm.

******

İstərəm sirrini mənlə böləsən,

Mənimlə danışıb,mənlə güləsən,

Mən sənin dostunam,deyim biləsən.

Allahım dərdini bilsin istərəm,

Həyatın üzünə gülsün istərəm.

******

Qəlbinə dəydimsə,bağışla məni.

Yaradan qorusun hər zaman səni.

Götürsün canından dumanı-çəni.

Allahım dərdini bilsin istərəm,

Həyatın üzünə gülsün istərəm.

******

İnanki,möcüzə baş verəcəkdi,

Tezliklə müjdəli gün gələcəkdi.

Sən sağlam olassan,qəlb güləcəkdi.

Deyəcəm,dərdini bildi Allahım,

Deyəcəm,axır ki,yox oldu ahım.

******

Mən bu şeiri çox istəkli bir dostuma həsr eləmişəm.

Şeirin müəllifi:Dünya Qarabağlı-Azərbaycan Texniki Universitetinin Beynəlxalq Biznesin İdarə edilməsi ixtisasının magistratura tələbəsi.