Bazarlıq eləmək üçün bu gün Bakıda ən çox ucuz məhsullar satılan 8- ci Kilometr bazarına getdim. İstədim , az da olsa , mer-meyvə alım. Ancaq meyvələrin qiymətinə baxanda gözlərim hədəqəsindən çıxdı.

Gördüm ki, bazarda qiymətlər od tutub " yanır" . Gilas 3-4 manat, yaxşısı 8 manat, albalı ( gilənar) 5 manat, ərik, 7-8 manat, göyçə alçası 4-5 manat, çiyələk 3-5 manat, alma 4 manat ( özü də köhnə) , bir sözlə, bütün mer-meyvələrin qiyməti çox baha idi. Hətta bostan- tərəvəz məhsulları  və digər  məhsulların qiyməti həddindən artıq baha idi! Bu isə bazardakı insanlar arasında böyük narazılıq  yaradırdı.

Onlar deyirdilər  ki, ötən il indi satılan məhsullar ucuz idi! Bazardakı bahalıqla bağlı satıcılar dedi ki, bazarda ona görə bahalıqdır ki, məmləkətimizdə normadan dəfələrlə artıq yağış yağıb. Təbii ki, bu da bahalaşmaya münbit şərait  yaradıb. Və biz də bazardan ancaq gilas ala bildik. O biri meyvələri almağa pulumuz çatmadı. Yəni bu bahalıqda  digər meyvələri yeməmək də  olar! Təki can sağlığı olsun!!!

Emil FAİQOĞLU