Son illər digər yanacaqlar kimi, suyun da qiyməti xeylı artıb! Gözləmək olardı ki, suyun qiyməti artandan sonra  əhali suya qənaət edəcək! Amma bu heç də həmişə belə olmur!

Çünki bir çox istelakçılar ağına- bozuna baxmayaraq , sudan gen- bol istifadə edirlər. Sonra da ayın axırında borc qəbzi gələndə bir çoxları deyir ki, mən o qədər su istifadə etməmişəm! Yəqin ki, su sayğacı dəqiq işləmir, ya da nəzarətçi artıq pul yazıb. Amma araşdırma aparılarkən məlum olur ki, heç də sayğac nasaz deyil və nəzarətçı də əlavə pul yazmayıb. Sadəcə olaraq abonent israfçılıq edib və nəticədə belə bir vəziyyət yaranıb!

Bir çox hallarda isə bir də görürsən ki, su xəttində yaranmış  qəzadan içməli su küçəyə axır. Yeni Günəşlidə dəfələrlə belə hadisələrin şahidi olmuşuq.Bir sözlə, həm abonentlər, həm də müxtəlif obyektlərdə içməli suya qənaət  etmək lazımdır. Belə olarsa, onlar ayın sonunda nəzərdən tutulandan artıq pul  ödəməzlər!

Emil FAİQOĞLU