Azərbaycan hərbçiləri İrəvana getməyəcək.

Adalet.az xəbər verir ki, noyabrın 20-24-ə qədər İrəvandakı Karen Dəmirçyan adına İdman Konsert Kompleksində keçiriləcək güləş üzrə hərbçilər arasında 37-ci dünya çempionatında Azərbaycan iştirak etməyəcək.
Bu barədə ER Müdafiə Nazirliyinin Silahlı Qüvvələrinin bədən tərbiyəsi və idman xidmətinin rəisi, polkovnik Arman Davtyan mətbuat konfransı zamanı bildirib.

O bildirib ki, Beynəlxalq Hərbi İdman Şurasının tədbirlərinə dəvəti təşkilatçı ölkə deyil, Şura göndərir və heç bir ölkə dəvətsiz qala bilməz. “Azərbaycan millisi ərizə təqdim etməyib və Ermənistana gəlməyib”, - deyə Daavtyan bildirib.

 Qeyd edək ki, ötən il  hərbçilər arasında güləş üzrə 36-cı dünya çempionatı Dövlət Sərhəd Xidməti və Gənclər və İdman Nazirliyinin təşkilatçılığı ilə “Sərhədçi” İdman Olimpiya Mərkəzində baş tutmuşdu.

 Əntiqə Rəşid