Ermənistan müdafiə nazirliyi ilə hərbçiləri narahat edən iki qərarla başlayıb.

Adalet.az xəbər verir ki, bu haqda erməni mediası təəssüflə yazır. "Hraparak" isə bildirir ki, müdafiə nazirliyinin yanvarın 7-də verdiyi qərara əsasən, Müdafiə Nazirliyi və bütün digər hərbi qurumların hərbçiləri üçün pulsuz nəqliyyat vasitələri artıq fəaliyyət göstərməyəcək:"Ermənistanda hərbçilərin həmişə kiçik imtiyazları olub, məsələn, İrəvanda ictimai nəqliyyatdan pulsuz istifadə ediblər, sürücüyə hərbi kitabçanı göstəriblər, ondan sonra pulsuz gediblər, amma bu gün məlum olub ki, hərbçilər bu imtiyazdan da məhrumdurlar".

Qeyd edək ki, 15 noyabr 2017-ci il tarixində Ermənistanda qəbul edilmiş qanuna əsasən, hərbi qulluqçular mülkiyyət formasından asılı olmayaraq (taksidən başqa) bütün növ şəhər sərnişin nəqliyyatında Ermənistan Respublikasının ərazisində pulsuz getmək hüququ olub.

 Əntiqə Rəşid