Qırğızıstan prezidenti Sadır Japarov Dövlət Milli Təhlükəsizlik Komitəsinin sədri Kamçıbek Taşiyevin vəzifədən azad edilməsi barədə fərman imzalayıb. 

Adalet.az xəbər verir ki, bu barədə xarici KİV məlumat yayıb. 

Kadr dəyişiklikləri əsas təhlükəsizlik qurumunun bütün rəhbərliyinə təsir edib.

Taşiyevlə eyni vaxtda onun Milli Təhlükəsizlik Dövlət Komitəsindəki müavinləri Kurbanbek Avazov, Daniel Rısaliyev və Elizar Smanov vəzifələrindən azad ediliblər.

Məlumata görə, bu radikal qərarın səbəbi potensial "cəmiyyətdə parçalanma" ilə mübarizə aparmaq olub. Hazırda təhlükəsizlik xidmətinin rəhbərliyindəki boş vəzifələrə yeni təyinatlar barədə məlumat yoxdur.