Ermənistanın birinci prezident Levon Ter-Petrosyanın mətbuat katibi Arman Musinyan baş nazir Nikol Paşinyanın debat təklifinə cavabını dərc edib.
Adalet.az xəbər verir ki, cavabda deyilir:"Nikol Paşinyan, Sizin avantüranız ucbatından müzakirə predmeti olan minillik erməni Qarabağı artıq mövcud olmadığı halda və xalqımızın diqqətini bu acı reallıqdan yayındırmaq üçün çarəsiz səylərinizdən başqa heç nə qalmayıbsa, mən sizinlə nə barədə müzakirə  edim.

İstədiyiniz qədər hay-küy salın, bu reallıq onsuz da heç vaxt silinməyəcək tarixi bir həqiqətdir.

Və əgər, Nikol, sən Qarabağ probleminin diplomatik yolla həlli prosesi ilə bağlı bütün həqiqəti ictimaiyyətin bilməsini istəyirsənsə, mən təklif edirəm. Qarabağın dağıdılmasından sonra həmin prosesin məsləhətləşməsi öz mənasını itirdiyindən Minsk Qrupunun həmsədrlərinin rəsmi olaraq təqdim etdiyi bütün sülh planlarını (2019-cu ilin iyunu daxil olmaqla) və erməni diplomatiyasının onlara rəsmi cavablarını dərc edin.

Bu, faktlara əsaslansan əsl debat olacaq. Bunu etməsəniz, həqiqətdən qaçdığınızı, tarixi məsuliyyətdən xırdacasına yayınmaqla məşğul olduğunuzu bir daha sübut etmiş olarsınız.

Qeyd edək ki, Levon Ter- Petrosyan əvvəlki açıqlamalarında "Qarabağ bizim deyil" şərhini verirdi.
Xatırladaq ki, Paşinyan da açıqlamalarının birində "Ter-Petrosyan mənə Qarabağı qaytarmağı təklif etmişdi" şərhini vermişdi.

 Əntiqə Rəşid