MEDİA Youtube kanallarına haker hücumunu pislədi

Medianın İnkişafı Agentliyi “Səs” və “Yeni Müsavat” media qruplarına məxsus “Youtube” platformasında fəaliyyət göstərən eyniadlı kanalların kənar müdaxiləyə məruz qalması ilə bağlı bəyanat yayıb.
Agentlikdən Adalet.az-a verilən xəbərə görə, bəyanatda deyilir:
“1 mart 2023-cü il tarixində Azərbaycanın “Səs” və “Yeni Müsavat” media qruplarına məxsus “Youtube” platformasında fəaliyyət göstərən eyniadlı kanallar kənar müdaxiləyə məruz qalmış, onların arxivi silinib.
Ölkəmizin informasiya təhlükəsizliyinə yönəlmiş bu hücum bir daha sübut edir ki, milli informasiya məkanımız daim ictimai fikri çaşdırmaq istəyən qüvvələrin nəinki dezinformasiya və yanlış xəbərlər yayılması, habelə infrastruktura kənar müdaxilə etməklə informasiyanın mənbədən silinməsi və dəyişdirilməsi üsulundan istifadə etməklə hədəfinə çevrilir.
Azərbaycan Respublikasının Medianın İnkişafı Agentliyi “Səs” və “Yeni Müsavat” media qruplarının “Youtube” kanallarına haker hücumunu ölkəmizin informasiya təhlükəsizliyinə təhdid hesab edir və bu kimi halların baş verməsinin qarşısının alınması məqsədilə media qurumlarını öz resurslarının mühafizəsinə daha həssas yanaşmağa, eyni zamanda həm media qurumlarını, həm də aidiyyəti dövlət orqanlarını qarşılıqlı əməkdaşlıq çərçivəsində tədbirlər görməyə çağırır”.
Digər Xəbərlər

"Gələcəyin mediası: “Əkinçi”nin izi ilə” mövzusunda Forum keçirilib

Əhməd İsmayılov: Son 5 ildə media islahatlarının əsas məqsədi informasiya mühitini qorumaqdır

“Xalq” və “Respublika” birləşdi, “Bakinski raboçi” yenidən quruldu - SƏRƏNCAM

“Medianın inkişafında Heydər Əliyevin rolu” adlı konfrans keçirildi - FOTOLAR - YENİLƏNİB

"Demokratik mətbuatın sürətli inkişafı Ümummilli Liderin adı ilə bağlıdır" - Əhməd İsmayılov

Albinanın ölümü ilə bağlı yayılan xəbərə Mətbuat Şurasından - REAKSİYA

Bu hallarda media subyektləri Media Reyestrindən çıxarılacaq
