ABŞ prezidenti Donald Tramp İranla əldə edilən razılaşma ilə bağlı yeni açıqlamalar verib. 

Adalet.az xarici mətbuata istinadən xəbər verir ki, o, İranla razılaşmanın ikinci mərhələsinə qədəm qoyduğunu bildirib. 

ABŞ prezidenti həmçinin müqaviləyə əsasən İranın heç vaxt nüvə silahına sahib olmayacağını iddia edib.  

Tramp, həmçinin rejim dəyişikliyi ilə bağlı şərh verərək deyib ki, "Əgər rejim dəyişikliyindən danışacaqsınızsa, İran rəhbərliyi tamamilə dəyişib. Bir daha deyirəm, mən rejim dəyişikliyinə inanmıram. Bu, illər çəkəcək və işə yaramayacaq".

İsrailin Baş naziri Benyamin Netanyahu ilə danışıb-danışmadığı sualına cavab olaraq ABŞ prezidenti: “Bizim yaxşı münasibətlərimiz var. Bəzi detallar barədə danışdıq. Beyruta hücumu heç bəyənmədim. Həmin hücumu gördüm, həqiqətən də qəddar və kütləvi bir hücum idi. İsraillə effektiv münasibətlərimiz var. ABŞ olmadan İsrail olmazdı. Mən olmasaydım, İsrail çoxdan mövcud olmazdı", - deyib.