“Məktəbdə...” layihəsinin növbəti görüşü mayın 8-də paytaxtdakı 336 nömrəli tam orta məktəbdə keçirilib.

Bakı Şəhəri üzrə Təhsil İdarəsi tərəfindən reallaşdırılan layihənin budəfəki qonağı millət vəkili Aqil Abbas olub.

Görüşdə yazıçı Qarabağda yaşadığı dövrdən, işğal dövrünə qədər  olan xatirələrini. Müəllim və şagirdlərlə bölüşüb.

Qarabağa qayıdış layihəsinin sürətlə inkişaf etdiyini söyləyib. İşğaldan azad olunan torpaqlarımızda quruculuq işlərinin görüldüyündən danışıb.

Məktəblilərə dərslərində yaxşı oxumağı və əlavə olaraq bədii ədəbiyyata müraciət etməyi tövsiyyə edib.

Şagirdlərlə səmimi söhbət zamanı onların bütün suallarına cavab verən yazıçı həmin şagirdlərə öz kitabını hədiyyə edib.

Məktəbin şagirdi Aysel Tarıverdiyeva “ Sarı gəlin” mahmısını ifa edib.

Sonda yazıçı, müəllim və şagirdlərlə xatirə şəkli çəkdirib.

Əntiqə Kərimzadə