“Ola bilər ki, kabinetlərdə oturaraq bəzi şeyləri biz görmürük. Sizlər yerlərdə birbaşa seçicilərlə təmasda olaraq bizim görmədiyimiz məsələləri çatdıra bilirsiniz. Biz bunları qəbul edirik”.

Adalet.az xəbər verir ki, bunu Milli Məclisin bu gün keçirilən plenar iclasında “Azərbaycan Respublikası Nazirlər Kabinetinin 2024-cü ildə fəaliyyəti haqqında hesabatı”nın müzakirəsi zamanı səslənən suallara cavab olaraq Baş nazir Əli Əsədov deyib.

“Burada bir neçə məsələ səsləndi. Təkliflərin biri oldu ki, tək İqtisadi Şurada və hökumət çərçivəsində yox, daha geniş məşvərət məclisində bu məsələləri iqtisadçı alimlər, təcrübəsi olan şəxslərlə bərabər müzakirə edək. Bu tam şəkildə tərəfimdən qəbul olunur. Yəqin ki, təkliflər Milli Məclisə çatırılacaq. Təbii olaraq həm sizin işiniz çoxdur, bizdə də vaxt çox deyil”, - deyə Baş nazir bildirib.