Almaniya kansleri Olaf Şolts, T-Online portalına müsahibəsində bildirib ki, ABŞ-ın yeni seçilmiş prezidenti Donald Tramp, Ukrayna müharibəsini bitirmək istəyir. Kanslerin sözlərinə görə, bu yalnız Ukraynanın gücləndirilməsi sayəsində baş tuta bilər.

 "Tramp müharibəyə son qoymaq istəyir. Mənə elə gəlir ki, o da bizim kimi əmindir ki, buna Ukrayna hərbi cəhətdən güclü olarsa nail olmaq olar"- deyə Şolts bildirib.

 Şolts Trampla telefon danışıqları zamanı bununla bağlı hər hansı bir müzakirə aparıldığını açıqlamayıb. Sadəcə qeyd edib ki, ABŞ və Avropa münaqişənin həll olunmasında eyni mövqedə olacaqlar.

 Şolts daha sonra əlavə edib ki, atəşin dayanfdrılması hələ müharibənin başa çatması demək olmayacaq. Almaniya  digər dövlətlərlə birlikdə  Ukraynanın təhlükəsizliyinin təmin olunmasına çalışacaq.

 Rüstəm Hacıyev