"Siyasi partiyalara ayrılan vəsait (5 milyon manat) olduğu kimi saxlanıb. Siyasi partiyaların sayı əlavə olaraq 2 partiya da artıb. Hər dəfə partiyaların sayı çoxaldıqca bu vəsaitin bölgüsündə müəyyən problemlər çıxır. Belə ki, digər partiyalar üçün vəsait azalmaya doğru gedir".

Adalet.az xəbər verir ki, bunu Milli Məclisdə 2025-ci ilin dövlət büdcəsinin müzakirəsi zamanı parlamentin İctimai birliklər və dini qurumlar komitəsinin sədri, deputat Fazil Mustafa deyib.

"Ona görə də bunun mexanizmini elə tapmaq lazımdır ki, bölgü ədalətli şəkildə getsin. Konkret partiya üzrə bu vəsaitin bölünməsi məsələsində daha optimal yol tapılsın. O zaman mövcud vəsaitin özü belə narahatlıq və narazılıq doğurmayacaq"