Paşinyan: TRIPP-in texniki parametrlərinin Azərbaycanla razılaşdırılmalıdır
Ermənistanın Baş naziri Nikol Paşinyan TRIPP layihəsi çərçivəsində tikiləcək dəmir yolunun Azərbaycan dəmir yolu şəbəkəsinə birləşdirilməsinin texniki parametrlərin Bakı ilə razılaşdırılmasını zəruri etdiyini bildirib.
Adalet.az xəbər verir ki, Nikol Paşinyan bu barədə Ermənistan parlamentində hökumət saatı çərçivəsində deputat Marianna Qahramanyanın sualını cavablandırarkən danışıb.
Baş nazir bildirib ki, Ermənistan ərazisində inşa ediləcək dəmir yolu Azərbaycan dəmir yolu ilə birləşdirilməlidir və buna görə də layihənin texniki məsələləri iki ölkə arasında razılaşdırılmalıdır.
“Bir incə məqam var: başa düşürsünüzmü, dəmir yolu gedir və başqa bir dəmir yoluna birləşməlidir”, – Paşinyan deyib.
O əlavə edib ki, məhz bu məsələlərin müzakirəsi üçün üçtərəfli işçi qup yaradılıb.
“Biz hesab edirik ki, bizim dəmir yolumuz Azərbaycanın dəmir yoluna birləşməlidir və bu məsələlər, texniki parametrlər, bəli, fəal şəkildə razılaşdırılmalıdır. Üçtərəfli işçi qrupunun yaradılmasının səbəbi də budur”, – Ermənistanın Baş naziri vurğulayıb.
Paşinyanın sözlərinə görə, Ermənistan, ABŞ və Azərbaycan noyabrın 7-də nəqliyyat və elektrik enerjisinin ötürülməsi istiqamətləri üzrə ilk iki texniki planlaşdırma qrupunun fəaliyyətə başlaması barədə razılığa gəliblər. Bu qrupların işi regional digər infrastrukturlarla əlaqələndirmə məsələlərini də əhatə edir.
Qeyd edək ki, bu gün Azərbaycanın xarici işlər naziri Ceyhun Bayramov Bakıda almaniyalı həmkarı Yohann Vadefulla birgə mətbuat konfransında TRIPP-in giriş və çıxış hissələrinin Azərbaycan ərazisində olduğunu, əsas texniki parametrlərin Bakı ilə razılaşdırılmasının vacibliyini vurğulayıb.
Digər Xəbərlər
19 Noyabr 2026 20:02
Prezidentlə xanımı Vyetnamda belə qarşılandılar - VİDEO
19 Noyabr 2026 18:35
Sahibə Qafarova Valentina Matviyenko ilə görüşdü
19 Noyabr 2026 17:11
İlham Əliyev xanımı ilə Vyetnama səfər etdi - FOTOLAR
19 Noyabr 2026 13:48
"Azərbaycan Cənubi Qafqazda əsas logistika və energetika habıdır" - Prezident
19 Noyabr 2026 13:46
"Rəsmi Bakı bu məsələdə Vyetnama dərindən minnətdardır" - Ali Baş Komandan
19 Noyabr 2026 13:45
"Azərbaycan-Vyetnam əlaqələri ardıcıl şəkildə inkişaf edir" - İlham Əliyev
19 Noyabr 2026 13:36
İlham Əliyev Vyetnam Xəbər Agentliyinə müsahibə verib
19 Noyabr 2026 11:58


Bakı -°C

