Rusiyanın Azərbaycana qarşı qərəzi, kini indi baş verməyib və 250 ildən də artıqdır ki, azərbaycanlılar o qərəzi canlarında hiss edirlər.

Prezident İlham Əliyev  haqlı olaraq: "AZAL-ın Qazaxıstanda qəzaya uğrayan təyyarəsi "Rusiya tərəfindən vurulub" deyəndən və  "Rusiya günahını etiraf etməli, günahkarları cəzalandırmalı və təzminat ödəməlidir" iradından sonra Putin demək olarki daha da aqressivləşib. Səfərov qardaşlarına qarşı cinayətini , Ruusiyada yaşayan azərbaycanlılara qarşı  düşmənçiliyini izlədik.

Ümumiyyətlə, Rusiyanın Ukraynaya qarşı müharibəsi başlayandan isə Ukraynaya humanitar yardım verdiyi üçün Azərbaycana qarşı qərəz onsuz da vardı. 2024-cü ilin son ayında baş verən təyyarə qəzası , daha doğrusu, Aktau yaxınlığında Azərbaycana məxsus sərnişin təyyarəsi Rusiyanın "Pantsir-S" raketi ilə vurulması həmin qərəzin nəticəsi idi.

 Qərəz  hələ də bitməyib

Avqustun 17-də Rusiya hərbçiləri Ukrayna ərazisinə həm pilotsuz uçuş aparatları, həm də raketlər buraxdılar. Odessada rusların “Şahed” tipli dronları “Nova Poçta” şirkətinə məxsus terminallardan birini və SOCAR-ın yanacaqdoldurma məntəqəsini hədəfə aldı. Nəticədə şəhərdə güclü partlayış baş verdi.
Əlbəttə ki, bu SOCAR obyektlərinin Rusiya tərəfindən ilk dəfə hədəf alınması deyil. Avqustun 7–8-də də Rusiya ordusu Odessa bölgəsində SOCAR-ın neft deposuna dron hücumu təşkil etmişdi. Hücum nəticəsində boru xətti partlamış, yanğın baş vermiş və dörd SOCAR əməkdaşı yaralanmışdı. Hadisə ilə bağlı Bakıdan Ukraynaya təcili yardım göndərilmiş, Azərbaycan hökuməti 2 milyon dollarlıq humanitar yardım ayrılmışdı.
Politoloqların fikrincə, bu addım əslində həm Ukraynanın enerji təhlükəsizliyinə, həm də Azərbaycanla Kiyev arasındakı strateji əməkdaşlığa zərbə vurmaq məqsədi daşıdığı qeyd olunur.
İndi isə Ukraynanın paytaxt Kiyev də yerləşən hədəfə alıb. İndi yox, ötən aydan!

Deməli iyul ayının 20-21-i Kiyevə atılan raket zərbəsi Azərbaycan səfirliyinin binasının ətrafında olan tikililərə endirildi.
Bu gün isə ukraynalı jurnalist Denis Kazanski açıqlamasından məlum olur ki, ötən gecə Rusiyanın Ukraynaya atdığı raketlərdən biri Azərbaycanın Kiyevdəki səfirliyinin 100 metrliyinə düşüb:"Azərbaycan diplomatik missiyasının yaxınlığında düşən raket yanğına və güclü partlayışa səbəb olub. Gecə Rusiya Azərbaycanın Kiyevdəki səfirliyini atəşə tutsa da, hədəfə çatmayıb. Bundan əvvəl ruslar Azərbaycanın bir neçə neft anbarını bombalamışdı. İndi onlar səfirliyə qarşı açıq-aşkar terror aktına keçiblər”.

Şox şükür ki, səfirliyimzin ətrafına düşən raketlər soydaşlarımıza zərər verməyib. Bunu Xarici İşlər Nazirliyinin mətbuat katibi Ayxan Hacızadə təsdiq edib. Deyib ki, raketlərdən biri ölkəmizin Ukraynadakı səfirliyinin binasının yaxınlığında partlaması nəticəsində yaranan zərbədən binaya zərər dəyib:"Bəzi pəncərələr qırılıb, konsulluq bölməsinin damında çatlar əmələ gəlib. Səfirliyin əməkdaşları arasında xəsarət alan olmayıb. Səfirliyimiz fəaliyyətini davam etdirir”.
Hazırda Rusiya bu mənasız müharibəni dayandırmamaqla bütün dünyaya qarşı qərəz nümayiş etdirməkdədir.

Əntiqə Rəşid