Sovet dönəmində ali və orta ixtisas məktəblərini, hətta peşə məktəbini bitirən bir məzun belə işsiz qalmazdı.

Amma indi nəinki kolleci bitirənlər, o cümlədən ali məktəbi qurtaranlar işə qəbul edilmir. Və gərək yenidən imtahan verib, harasa işə düzələsən. Hələ bununla da məsələ həll edilmir, müsahibədən keçməlisən. Müsahibədə də  kim sərf edir keçirirlər, kim də sərf eləmir"yox"- deyirlər. İndi kolleci bitirəni işə qəbul etmirlər ki, ali təhsilin olmalıdır.

Bəs əgər o kadrlaraeytiyac yoxsa, onda bu qədər kollecləri bitirməyə nə ehtiyac var? Belə isə həmin kolleclərə tələbə qəbulu olmamalıdır. Ümumiyyətlə, ölkədə ali və orta ixtisas məktəblərini bitirənlərin işə qəbulunda böyük problemləri var. Kimin pulu və arxası varsa, heç imtahan vermədən də ürəyi istədiyi yerdə işə qəbul olur.

Əksər gənclər isə işsiz qalır. Ona görə də bu barədə aidiyyatı qurumlar ciddi düsünməlidir.Yoxsa, əks- təqdirdə ali məktəbi və kollecləri bitirən gənclərimiz işsizlikdən  çox əziyyət çəkməli olacaqlar!

Emil Faiqoğlu