Heç kimə sirr deyil ki, yüksək mərtəbəli binalarda liftlərə çox böyük ehtiyac var. Doqquz mərtəbəli binadan tutmuş iyirmi mərtəbəli , hətta daha yüksək mərtəbəli binalara qədər liftlər quraşdırılır.

Həmin liftlər bir gün ,bir həftə, bir ay işləməyəndə sakinlərin nələr çəkdiyini bir Allah, bir də özləri bilir. Amma gəlin onunla razılaşaq ki, bir çox sakinlər liftlərdən istifadə edərkən lazımi qaydalara əməl etmir,lifti tez- tez lazım olmadığı halda düyməni basaraq onunla oynayır, hətta onun qapısı bağlananda əli ilə tutub, bağlanmağa qoymur.

Belə də olanda liftlər tez sıradan çıxır.Neçə- neçə sakin mövcud qaydalara əməl etmir. Bəzi sakinlər isə daha qabağa gedərək liftdən istifadə etdiklərinə baxmayaraq, onun istismar pulunu aylarla verməkdən boyun qaçırırlar. Nəticədə yük həmişə pul verən sakinlərın üzərinə düşür. Ona görə də, hər bir sakin liftdən istifadə qaydalarına  əməl etməlidir!!!

Emil Faiqoğlu