Düşməni yandırsın alovun,odun, 

Sevinsin dostların,qəmlənsin yadın.

İlham tək tarixə düşərək adın,

Büstün Qarabağda qoyulsun gərək.

******

İllər həsrətinə son qoyan oldun,

Düşmənin bağrını sən oyan oldun.

Azadlıq müjdəsin sən yayan oldun,

Büstün Qarabağda qoyulsun gərək.

******

Ərdoğan olubdu dostun,qardaşın,

Köməyin,dayağın,yaxın sirdaşın.

Yüksək zivələrə ucalsın başın,

Büstün Qarabağda qoyulsun gərək.

******

Mümkünsüz bir işi mümkün eylədi,

Düşmənin cəbhəsin yolda əylədi.

Allahım,bu oğul nələr eylədi,

Büstü Qarabağda qoyulsun gərək.

******

Şəhid də igiddir,qazi də igid,

Rəhbər ehtiyatın görüb çox sakit,

Dedi əsgərinə: “irəliyə get!”,

Büstü Qarabağda qoyulsun gərək.

******

Günahsız insanın qanın tökmədi,

Zəifin,gücsüzün damın sökmədi.

Nə işdə,nə söz də heç vaxt çökmədi,

Büstü Qarabağda qoyulsun gərək.

******

Tarixdə qalacaq adı hər zaman,

Onun sayəsində çəkildi duman.

Tanındı hər bir yerdə Azərbaycan,

Büstü Qarabağda qoyulsun gərək.

******

Geri almaq olmur torpağı təzdən,

Çün nişanə qalmır əvvəlki izdən.

Belə söyləyirəm mən xalq əvəzdən:

Büstün Qarabağda qoyulsun gərək.

******

Şeirin müəllifi:Dünya Qarabağlı-Azərbaycan Texniki Universitetinin Beynəlxalq Biznesin İdarə Edilməsi ixtisasının magistratura tələbəsi.