“Liviya hərbi qərargah rəisinin Türkiyədə təyyarə qəzasına uğraması, dünən İsrailin Livanın Bəqa vadisini bombalaması ilə bu gün Suriyanın Homs şəhərindəki İmam Əli məscidində törədilən terror hadisəsinin silsiləli şəkildə baş verməsi təsadüf deyil, əlaqəlidir”. 

Adalet.az xəbər verir ki, bunu siyasi şərhçi Tural İrfan deyib. 

Onun sözlərinə görə, Türkiyəyə qarşı Yunanıstan və Yunan Kipri ilə hərbi ittifaqın qurulması cəhdi, habelə Suriyadakı silahlı separatçıların himayə edilərək orduya inteqrasiyasının qarşısının alınması Yaxın Şərqi yenidən müharibəyə sürükləməkdir:

“Burada əsas hədəf Türkiyədir. ABŞ-nin Qəzzada sülh planı hələ ki, maraqlarına uyğun inkişaf etməkdiyi üçün icrası ləngidilir. Təxribat planlarının qarşısının alınması üçün Türkiyənin Livanla bağlı dərhal hərəkətə keçməsi zəruridir. Çünki Suriyada hakimiyyət dəyişsə də Livanda hakimiyyət xaosu və İranla İsrailin rəqabəti fonunda silahlı qüvvələrin aktiv təsiri mövcuddur. Yaralanmış vəziyyətdən istifadə edən güclər Suriyada yenidən terror dalğaları yaradıb Türkiyəni bu yolla təxribata çəkmək istəyirlər”.

Vasif ƏLİHÜSEYN