Ötən əsrin 80- ci illərində inşa edilmiş doqquz mərtəbəli  əksər kooperativ binalarda  yaşayan sakinlərin bir çoxu  kommunal xidmətlərə olan borclarını ödəmirlər. Bunun da obyektiv və subyektiv səbəbləri var. Amma gəlin, onunla razılaşaq ki, pul ödənilməməsinin başlica  səbəbi subyektiv amillərdir.

İşığın, qazın, suyun  pulu əksər sakinlər tərəfindən ödənilir. Çünki o borclar ödənilməyəndə mənzillərə  bu enerjilərin verilməsi bir qayda olaraq dayandırılır. Təəssüf ki, istilin verilməsində  yığılan borclara  görə, onu dayandırmaq mümkün deyil. Belə ki, istilik sayğacı yoxdur və belə vəziyyət yarananda  gərək bütün binanın, yaxud da blokun istiliyi kəsilsin. Bu addım da atılanda digər pul ödəyən abonentlərin hüquqi pozulur və onlar haqlı narazılıq edirlər.

Bunlar hamısı aydındır. Ancaq aydın olmayan odur ki, Yeni Günəşli yaşayış sahəsinin"D" massivi, bina 13-ün sakinlərinin  əksəriyyətinin istiliyə  və məişət tullantılarının daşınmasına, həyətin təmizlənməsinə, binanın və blokların işıqlandırılmasına böyük məbləğdə borcları var. Bu barədə Mənzil Tikinti Kooperativinin sədri Fərman  müəllim öz narahatlığını bildirdi. O dedi ki, binamızın Lift İdarəsinə  və Mənzil Kommunal Təsərrüfatı Birliyininə borcu var. Sakinlər borcu ödəmədiyinə görə,bəzən məlum qurum məişət tullantılarını aparmır və nəticədə antisanitariya yaranır. Biz sakinlər arasında nə qədər maarifləndirmə işləri aparsaq da ,bunun  elə bir nəticəsi olmur. Ən yaxsı halda 144 mənzildən .30-40  məişət tullantılarına olan borcları ödəyir.

Ayrı sakinlərlə söhbətimiz zamanı onlar deyirlər ki,imkanımız yoxdur,pensiya alanda pul verərik. Amma heç imkanı olanlar da , məişət tullantılarına olan borcların ödəmir və nəticədə  sədr kimi mən çıxılmaz vəziyyətə qalıram! Aidiyyəti qurumlar isə bizdən borcların tələb edir. Camaatı da başa düşürük ey, gərək onlar bizi başa düşsünlər!!!

Emil FAİQOĞLU