Mən uzun müddətdir ki, onkoloji əziyyət çəkirəm və müalicə olunuram. Artıq bir ildir ki, Milli Onkologiya Mərkəzində davamlı olaraq müalicələr qəbul edirəm.İnsaf naminə deyim ki, mərkəzin həkimləri həmişə mənə və digər pasiyentlərə  bacardıqları köməyi  göstəriblər. Amma son vaxtlar ağrılarım daha da şiddətləndi və bu ağrılara dözə bilmədim. Ona görə də müalicə həkimimlə əlaqə yaratdıq o bildirdi ki, təcili  mərkəzimizə gəlməlisən.

Məni kəskin ağrılarala Milli Onkologiya Mərkəzinin Onko - Koloproktologiya  şöbəsində yerləşdirdilər. Burada hər tərəfli müayinə olundum.Həkim- cərrah , gözəl insan Gülnarə Talıbova dedi ki, sabah əməliyyat olunacaqsan. Amma əməliyyat çox risklidir.. Buna baxmayaraq, həkimlə  razılaşdım.Ona görə ki, Gülnarə xanıma inandım.

Daha doğrusu , o, mənə çox böyük inam verdi və öz doğması kimi münasibət bəslədi! Xöşbəxtlikdən əməliyyat uğurlu alındı.Bir  gündən sonra məni reanimasiyadan palataya  köçürdülər. İndi demək olar ki, ağrılarım azalıb və özümü  yaxşı hiss edirəm. Bizim kimi xəstələr  ölümlə əlbəyaxa olur.

Ancaq Allahın  və cərrah Gülnarə xanımın köməkliyi ilə həyata qayıtdım. Yəni məni göydə Allah, yerdə həkimlər xilas etdilər.Buna görə Milli Onkologiya Mərkəzinin rəhbərliyinə, şöbə müdiri Yusif Əliyarov, cərrah Gülnarə Talıbovaya, xəstəxananın bütün həkim personalına, tibb bacılarına və xidmətçilərinə təşəkkür edirəm. Çünki onlar məni yenidən həyata qaytardılar və yaşamaq ümidimi daha da  gücləndirdilər.Və hər gün mənə baş çəkən, ürək- dirək verən Gülnarə həkim  sanki mənə ikinci bir nəfəs verdi! 

Allah belə həkimlərimizi qorusun!!!            

 Muxtar HƏSƏNOV, Xırdalan şəhəri, birinci qrup əlil