Portuqaliya millisinin və "Əl-Nəsr"in hücumçusu Kriştiano Ronaldo karyerasını nə vaxt başa vuracağı ilə bağlı sualı cavablandırıb.

Adalet.az xəbər verir ki, bu barədə insayder Fabrizio Romano məlumat yayıb. 39 yaşlı forvard deyib: 

“Mən sadəcə özümdən zövq almaq istəyirəm. 40 yaşım tamam olur... Mən həqiqətən hər andan həzz almaq istəyirəm. Nə qədər ki, motivasiya hiss edirəm, oynamağa davam edəcəyəm. Özümü motivasiya edə bilmədiyim gün karyeramı başa vuracağam”.

Qeyd edək ki, bu mövsüm Ronaldo "Əl-Nəsr"in heyətində bütün yarışlarda 15 matça çıxıb, 10 qol vurub və 3 qolun ötürməsini verib. Futbolçunun klubla hazırkı müqaviləsi 2025-ci ilin yayına kimi nəzərdə tutulub. 

Həmçinin o, ötən gecə Portuqaliya millisinin heyətində dubl edib və ümumilikdə karyerası ərzində rəsmi matçlarda vurduğu qolların sayını 910-a çatdırıb.