Xətai rayon Mədəniyyət Mərkəzi “Qaravəlli” Xalq Teatrının təşkilatçılığı ilə Şağan Mədəniyyət Mərkəzində Şəhid Kəşfiyyatçı Leytenant Vüsal Muradovun xatirə gecəsi keçirilib. 

Adalet.az xəbər verir ki, tədbir şəhidlərin 1dəqiqəlik sükutla yad edilməsi ilə başlayıb.

Səhnədə yer alan qiraətçilər vətənpərvərlik mövzusunda şeirlər söyləyiblər. 

Şəhid Kəşfiyyatçı Leytenant Vüsal Muradovun döyüş yoldaşları onunla bağlı xatirələrini bölüşüblər. Onlar çıxışları ilə iştirakçıları duyğulandırmağı bacarıblar.  

Şəhidin  obrazını canlandıran gənc şair Qabil Ədalət də tədbir iştirakçılarının diqqətini çəkib. 

Şəhidin xatirəsin həsr olunmuş şeirlər də səsləndirilib.

Tədbirdə şəhidin ailə üzvləri, şəhid ailələri, qazilər, mədəniyyət işçiləri, gənclər iştirak edib. 

Tədbirin rejissoru Əbədi Tədbirlər Birliyi layihəsinin təsisçisi Polad Ağa İbrahimovdur.

Əntiqə