SONUNCU YER UĞRUNDA GƏRGİN MÜBARİZƏ GEDİR
Futbol üzrə Azərbaycan çempionatının 2-ci turun oyunları keçirildi. Təbii ki, iki turdan sonra komandalar haqqında çox söz demək mümkün deyil, amma hər kəsin gücü və qabiliyyəti az-çox göründü.
Təxminən 4-5 komanda birincilik uğrunda mübarizə aparır və 4 komanda da axırıncı yer uğrunda çarpışır. Bunlar «Səbail», «Sumqayıt», «Şamaxı» və «Kəpəz» komandalarıdı.
«Kəpəz» axırıncı yer uğrunda mübarizədə uduzacaq. Çünki komanda hələ indi-indi özünü tanımağa başlayıb, həm də oyunlarını öz yerində keçirmir.
Amma azarkeşlərin Yaşar Vahabzadəni istefaya çağırması xoşagələn hal deyil. Hər hansı bir komandada məşqçini tez-tez dəyişdirmək o klubu məhvə aparar. Yaxşı, Yaşar çıxdı, yerinə Əli, Vəli, Pirvəli… kimsə gəldi, ona da iki-üç ay vaxt lazımdı futbolçuları tanısın, kimin nə qabiliyyəti olduğunu bilsin, oyun tərzini öyrənsin. Onacan yenə komanda uduzacaq, yenə istefa, yenə baş məşqçi. Gəncəlilərə bir az səbr arzulayıram, Yaşar Vahabzadəyə də uğur!
Amma o qapıçı ilə nəinki Bakıya gəlmək olar, heç Yevlaxa çatmaq olmaz. Ən adi topları buraxdı.