adalet.az header logo
  • Bakı 27°C
  • USD 1.7
30 Iyun 2022 13:40
228
GÜNDƏM

ŞUŞAYA GETMƏK İSTƏYƏNLƏR

Hər gün mənə qəzetlərdən, saytlardan və eləcə də adi vətəndaşlardan nə qədər zəng olur ki,  Şuşaya  getmək istəyirik, amma bilet tapmırıq.  Eləcə də Ağdama, Kəlbəcərə, Laçına, Qubadlıya  getmək istəyənlər də  müraciət edir və kömək istəyir.

Hamının da istəyi budur ki, reyslərin sayı  artırılsın.

Doğrudanmı  bu reyslərin  sayını artırmaq mümkün deyil? Yoxsa  istəmirlər ki, camaat gedib dağılmış şəhər və kəndini görsün ürəyi  bulansın, ağlasın, sızlasın, bunu da çəkib videoda  paylaşsın.

Açın yolları, cənablar, açın. Qoyunlara açmısız, insanlara da açın. Deyəcəsəksiz mina var, bəli, var. Amma qoyunlar minaya düşmürsə, təbii ki, insanlar da qayda-qanunlara əməl edib minaya  düşməzlər.

Açın yolları, açın. Xüsusilə Kəlbəcər yolunu açın. 30 ildir cəhənnəmdə yaşayanlar gedib cənnəti görsünlər və xoşbəxt olsunlar. Lap minaya  düşsələr də onlar cənnəti görmüş olacaqlar.