Xeyli vaxtdır ki, Bakıda velosipedçilərin təhlükəsiz gediş- gəlişi üçün  xüsusi yol ayrılıb.

Təbii ki, onlar bu  yolla da hərəkət etməli və avtomobil yoluna çıxıb digər nəqliyyat vasitələri üçün təhkükə yaratmamalıdır. Amma Nəqliyyatın İntellektual İdarəetmə Mərkəzinin  çəkdiyi görüntülərə baxanda velosipedçilərin yol hərəkəti qaydalarına əməl etmədiyi görünür.

Bununla onlar başt avtomobillər üçün qəza şəraiti yaradır və son vaxtlar velosipedçilərin iştirak ilə ağır qəzalar baş verir. Bakı Şəhər Dövlət Yol Polisi İdarəsinin ictimaiyyətlə əlaqələr bölməsinin rəisi polis kapitanı Toğrul Nəsirli deyirki, velosipedçilərin avtomobil yoluna çıxaraq hərəkət etməsi birmənalı olaraq qanun pozuntusudur.

 Mövcud yol hərəkəti qaydasını pozduğuna görə,  velosipedçi 40 manat məbləğində cərimə edilir. Aydındır ki, qaydaların pozulması  ilk növbədə ağır yol- nəqliyyat hadisələrinin baş verməsinə münbit şərait yaradır. Və bir çox halda bu qəzalar zamanı ölüm və ağır xəsarətalma halları qeydə alınır. Ona görə də  bir daha  velosipedçilərə tövsiyə edirik ki, onlar üçün ayrılmış yerlərdən istifadə etməklə  hərəkət etsinlər. Bu, həm onların, həm də digər hərəkət iştirakçılarının təhlükəsizliyi deməkdir!

Emil Faiqoğlu