Bir dostum var idi,mənim həyatda,

Saxlayıram onu həmişə yadda.

Bir insan görəndə,həmən o adda,

O vəfasız dostum yadıma düşür.

******

Naşıydı,gözləri kor idi onun,

Gözəl xasiyyəti var idi onun,

Çün onda görmürdü həyatın sonun.

Hərdən bir,o dostum yadıma düşür.

******

Sonradan gözləri açıldı onun,

Üzünə işıqlar saçıldı onun,

Könlündən ehtiyac qaçıldı onun.

Bax,mənim o dostum yadıma düşür.

******

Elə ki,o dostum xoş günə çatdı,

Heç bir söz demədən,o məni atdı.

Çünki,vafasızlıq ona rahatdı.

Ay ellər,o dostum yadıma düşür.

******

Sanmayın,gözləri kordu dostumun,

Naşıydı,dünyası gordu dostumun,

Mənə ehtiyacı vardı dostumun.

Hərdən bir,o dostum yadıma düşür.

******

Salacaq əməlin o bir-bir yada,

Düşəcəkdi,məni saldığı oda.

Bir zaman tək qoydu,məni dünyada.

O vəfasız dostum yadıma düşür.

******

Onun etdiyini,o  da bir zaman,

Yaşayıb görəcək,olacaq yaman.

Bax,o vaxt başından qalxacaq duman.

Deyəcək ki,dostum yadıma düşür.

******

Onu tək qoyacaq dostu,sirdaşı,

Uzaqlaşacaqdı bacı,qardaşı,

Sonunda da onu həyat yoldaşı,

Tək qoyub gedəcək,yadıma düşür.

******

O unutmayacaq,qəmli gözümü,

Yadda saxlayacaq,hər an sözümü,

Sonda xatırlayıb mənim üzümü,

Deyəcək ki,dostum yadıma düşür.

******

Şeirin müəllifi:Dünya Qarabağlı-Texniki Universitetin İqtisadiyyat və İdarəetmə fakültəsinin tələbəsi.