Bizim ölkəmizdə bəzi sürücülər var ki,  avtobusu idarə etməyi bir yana, özlərini idarə edə bilmirlər. Ya telefonla danışır, ya da siqaret çəkirlər. Mən konkret faktla danışıram.

Belə ki, dekabrın 20- də gündüz saat   üç radələrində metronun " Nefçilər" stansiyasından Yeni Günəşliyə hərəkət edən 50 nömrəli marşrutda hərəkət edən avtobusun sürücüsü yolboyu siqaret çəkirdi. Qulağında da mobil telefonun qulaqcığı. Siqaretdən bir neçə qüllab vurub, kimləsə, şirin-şirin söhbət edirdi. Heç ona bu hərəkətinə görə, sərnişinlər də  irad tutmurdu. Hava da çox soyuq idi. Avtobusun istilik sistemi işləmirdi. Sürücü yanındakı pəncərəni açıq qoymuşdu ki, siqaretin tüstüsü çölə çıxsın. Amma o, bilmirdi ki, pəncərədən avtobusun salonuna dolan soyuq hava içərini bir qədər də soyudurdu.

Düz " Ballı marketin" yanına kimi, sürücü üç siqaret çəkdi. Ümumiyyətlə, bu marşrutun əksər sürücülər bax belə intizamsızdır. Bu avtobusların çoxunda istilik sistemi işləmir. Sürücülər bir çox halda onlara irad tutan sərnişinlərlə kobud rəftar edir. Hətta bəzi sürücülər yol digər avtomobillərlə ötüşür və qəza vəziyyəti yaradırlar.

Ona görə də bu marşrutun sahibi mövcud nöqsanları aradan qaldırmalı, qıs mövsümü ilə əlaqədar avtobusdakı istilik sistemini işlək vəziyyətə salmalıdır. Əks - təqdirdə sərnişinlər 50 nömrəli marşrutun fəaliyyətindən narazı qalacaqlar!

Emil Faiqoğlu