Hər bir xidmət sahəsi əhaliyə  qanun çərçivəsində xidmət etməyə borcludur.

Yəni onlar müqavilə şərtlərinə uyğun addım atmalıdırlar. Təəssüf ki, bu, çox vaxt belə olmur. Məsələn, " Azəristiliktəchizat"  abonentlərin bəzi hallarda hüququn pozur. Belə ki, mənzillərin  qızdırılması zamanı mənzilin kvadratına uyğun olaraq eyvanı( balkonu) da ora daxil edirlər.

Deyin  görək, hansı eyvanda istilik sistemi var.Və açıq olan o eyvanı qızdırmaq kimə lazımdır? Heç mənzillərdə istilik sisteminin hamısı normal qayda da  işləmir və bəzisi  yanmır. Amma buna baxmayaraq, məlum qurum istilik verdi, vermədi bu pulu əhalidən alır. Üstəlik də, mənzillərə verilən istiliyin tempraturu da, yüksək deyil.Bütün xidmət sahələri, ancaq öz mənafeyini düşünür və abonentlərin barəsində fikirləşən yoxdur.

" Azəristiliktəchizat" əgər ədalətli və obyektiv  mövqe tutmaq istəyirsə, onda zəhmət çəkib digər xidmət sahələri kimi, mənzillərə sayğac quraşdırsın.  Eyni zamanda bütün binalara normal qaydada istilik versin. Bax , bundan sonra bütün narazılıqlara son qoyula bilər!

Emil Faiqoğlu