Adətdən  qış mövsümündə bizim ölkədə qar bir qədər çox yağmır və yağanda da insanlar sevincindən  papaqların  göyə atırlar.

Sinoptiklərin  verdiyi məlumata görə yanvarın 20- dən sonra  ölkəmizdə qar yağacaq.Amma bizim ölkəmizə qar sevincdən çox çətinliklər yaradır. Bunları bir- bir sadalayıb oxucularımızı yormaq istəmirik.  Qarın yaratdığı problemlərdən  biri də nəqliyyat vasitələri ilə bağlıdır. Çünki soyuq havalarda qar yağanda yollar  buz bağlayır, sürüşkən olur və qəzalar baş verir. Ona görə də belə çətin hava şəraitinə  hər bir sürücü hazır olmalıdır! Bakı-Şamaxı- Ağsu avtomobil yolunda  da qar yağanda  nəqliyyat vasitələrinin hərəkəti çətinləşir.

Bu barədə biz  Yol Patrul Xidməti Alayının üçüncü tağımı  ilə əlaqə saxladıq. Tağım komandiri Yrfət Şükürov bildirdi ki, bizim əməkdaşlarımız həmişə çətin hava şəraitinə hazır olub.  Qar yağanda  və yollar buz bağlayanda  hərəkətin təhlükəsizliyini təmin etmək üçün qabaqlayıcı tədbirlər görürük. Yəni yollar Yol İstismar İdarəsinin əməkdaşları tərəfindən texnikalarla qardan təmizlənir və yola qum qarışıq duz səpilir.  Bu işdə  yol polisi də  onlara yaxından kömək edir.

Bununla yanaşı, çətin havada müxtəlif nəqliyyat vasitələrinin sürücüləri stasionar postlarda  saxlanılır, onlar maarifləndirilir və lazımi  köməklik göstərilir!  Hərəkət çətinləşdirən  yerlərə isə əlavə naryad göndəririk. Heç şübhəsiz, qar yağanda  və nəqliyyat vasitələrinin hərəkəti çətinləşəndə  sürücülər yol hərəkəti qaydalarına daha  məsuliyyətlə yanaşmalı, hava şəraitinə uyğun sürət həddi seçməli, ara məsafəsi saxlamalı, avtomobil texniki cəhətdən saz olmalı, qış təkərlərindən  istifadə olunmalı və qəza işıqlarından  istifadə etməlidirlər! Göründüyü kimi,  qar yağanda  avtomobilləri təhlükəsiz idarə etmək üçün yol polisinin tövsiyələrinə  sürücülər birmənalı  olaraq əməl etməlidirlər!!!

Emil Faiqoğlu