Bu gün ölkəmizdə sayı - hesabı bilinməyən  özəl klinikalar var.

Və onlarında ən çoxu Bakıda fəaliyyət göstərir. Onu da qeyd edək ki, bir neçə özəl klinikalar var ki, onlar dünya standartlarına cavab verir, hər cür müasir avadanlıqlarla təchiz edilib. Üstəlik də  həmin  klinikalar da çox təcrübəli və savadlı həkimlər çalışırlar.  

Amma çoxlu sayda özəl klinikalar var ki,  onlar nə müasir tələblərə cavab verir, nə də orda işləyən həkimlərin hamısı savadlı deyil.  Və bu savadsız həkimlərin əlinə düşən bəzi pasiyentlər ya şikəst olur, ya da ölürlər. Özəl klinikaların birində baş vermiş sonuncu hadisə- burun əməliyyatından sonra komaya düşən və dünyasın  dəyişən qızın taleyi çoxlarına dərs olmalıdır.

Cərrahın savadsızlığı və məsuliyyətsizliyi üzündən  dünyasın dəyişən bu qızın günahı nə idi?! Ona görə də pasiyentlər həkimə getməmişdən öncə onu araşdırmalı, yaxşı həkim olduğunu biləndən sonra beləsinə etibar eləmək olar. Əgər bir pasiyent özəl xəstəxanada  dünyasın dəyişirsə, onda o klinika  zəhmət çəkib əməliyyatdan aldığı pulu geri qaytarmalıdır.

Çox təəsüf ki, heç bir özəl xəstəxana həmin pulu geri qaytarmır və pasiyentlərin hüquqlarını  tapdayır.  Ona görə də , aidiyyatı qurumlar bu barədə ciddi düşünməli, insanların qanunla qorunan hüquqlarını müdafiə etməlidir!!!

Emil Faiqoğlu